Wednesday, January 28, 2009

Suicidio inter le juvenes de Ecuador


(Languages of this post: Interlingua, English)


Azuay, un provincia meridional de Ecuador, ha inviate al Statos Unite e a Europa un numero de emigrantes plus grande que ulle altere region de Ecuador. Illes abandona lor filios in cerca de opportunitates economic melior. In alicun familias, ambe parentes emigra, lassante lor prole con lor granpatres, amitas, o mesmo con lor vicinos.

In alicun partes de Ecuador le 20% (vinti pro cento) del population ha abandonate lor pais e lor filios. Ben que illes invia $2.000.000.000 per anno a lor familias, le problemas social producite per iste emigrantes es severissime.

"Ante 15 (dece cinque) annos il non habeva ulle suicidios inter nostre juvenes", diceva Guda Pinos, un professor de psychiatria al universitate in Cuenca, le capital del provincia. "Ma nunc le suicidio ha devenite le escappata le plus frequente pro nostre juvenes emotionalmente abandonate per lor parentes."

"Un total de sexanta pro cento de nostre homines ha abandonate iste municipalitate", diceva Claudia Romanero, un sociologo. Le anno passate, secundo illa, victimas de suicidio in su municipio includeva un puero de dece annos e un puera de octo.

Miguel Peñafiel, le director del hosptal Vincente Corral Moscoso in Cuenca, diceva que il es ver que il ha habite suicidios in altere paises causate per le disintegration de familias a causa de patronos de emigration inspirate per le cerca de opportunitates economic. Ma le taxa de suicidios in Ecuador es plus alte, ille crede, proque le disintegration social es un phenomeno multo plus extense in Cuenca.

Elizabeth Jimenez, un psychologo con le Fundation de Waaponi de Cuenca, un organisation que travalia con juvenes deprimite, diceva que le taxa de suicidio in Ecuador es possibilemente plus alte que in altere paises proque le conditiones social del pais incoragia le depression.

"In Ecuador personas deprimite ascolta musica exceptionalmente triste", diceva Jimenez. "Illes tunc comencia a biber multe alcohol, e iste duo factores facilita grandemente le suicidio."

Iste problema de suicidio inter le juvenes de Ecuador afflige le classes social alte tanto como le basse. Il ha familias affluente in Azuay cuje patres invia assatis moneta a lor filios pro permitter que illes compra automobiles nove.

Ma in despecto de iste ressources, le prole de tal parentes sovente cade a in le depression. Illes perde omne desiro de luctar pro lor futuros, e illes solmente vole lassar le pais pro viver con lor parentes. Maria Villa Sanchez, le director del gymnasio technic de Azuay, diceva que le anno passate, le numero de studentes in su schola esseva 407 (quatro centos septe). Inter illes, tres pueros de 15 (dece cinque) annos se suicidava.

"A vices le custodes de iste pueros e pueras es interessate solmente in le dinero que illes recipe del parentes del juvenes que illes custodia", diceva Caridad Peña, un psychologo con le Fundation Esquel de Quito. "A vices illes non da a illes assatis pro mangiar. Le sanitate de tal pueros decade, illes perde omne lor autoestima, e finalmente multes ex illes vide le suicidio como le sol remedio a lor problemas."

Le governamento local de Cuenca nunc disveloppa programmas social pro adjuvar lor juvenes. Usque nunc, illo ha offerite a illes classes de dansa e de musica, e nulles ex le juvenes qui participava in iste programma ha essayate a suicidar se.

Le scholas public de Cuenca incoragia lor studentes a exprimer lor sentimentos sur le emigration de lor parentes per medio de scriber essayos e producer obras de arte pro exprimer lor problemas emotional.

On disveloppa altere programmas social, diceva Claudia Romero. Ma le problemas es grandissime, le ressources economic pro resolver los es insufficiente, e il essera multo difficile meliorar iste situation triste, que naturalmente augmentara le problemas generalisate de depression de su pais.

---

Azuay, a province in the south of Ecuador, has sent to the United States and Europe a greater number of emigrants than any other region of Ecuador. They are leaving their families as they try to find better economic opportunities. In some families, both parents emigrate, leaving their children with their grandparents, aunts, or even with their neighbors.

In some parts of Ecuador twenty percent of the people have abandoned their country and their children. Though they send $2 billion (two billion dollars) a year to their families, the social problems caused by these emigrants are very severe.

"Ten years ago there were no suicides among our youth," said Guda Pinos, a professor of psychchiatry at the university in Cuenca, the capital of the province. "But now suicide has become the most frequently occurring escape for our children that have been emotionally abandoned by their parents."

"A total of sixty percent of our men have abandoned this city," said Claudia Romanero, a sociologist. Last year, according to her, suicide victims in her city included a ten-year-old boy and an eight-year-old girl.

Miguel Peñafiel, the director of the Vincente Corral Moscoso Hospital in Cuenca, said that it is true that there have been suicides in other countries caused by the disintegration of families because of emigration patterns inspired by the search for economic opportunities. But the rate of suicides in Ecuador is higher, he believes, because social disintegration is a great deal more widespread in Cuenca.

Elizabeth Jimenez, a psychologist with the Waaponi Foundation of Cuenca, an organization that works with depressed children, said that the rate of suicide in Ecuador is possibly higher than in other countries because the social conditions of the country encourage depression.

"In Ecuador depressed people listen to exceptionally sad music," said Jimenez. "They then start to drink a lot, and these two factors make it much easier to commit suicide."

This suicide problem among the youth of Ecuador afflicts the higher social classes as well as the lower ones. There are affluent families in Azuay whose parents send enough money to their children to enable them to buy new cars.

But despite these resources, the children of such parents often fall into depression. They completely lose the will to fight for their futures, and they only want to leave the country to live with their parents. Maria Villa Sanchez, the director of the technical high school in Azuay, said that last year the number of students in her school was 407 (four hundred seven). Among them, three fifteen-year-old boys committed suicide.

"At times the guardians of these boys and girls are interested only in the money that they receive from the parents of the children they take care of," said Caridad Peña, a psychologist with the Esquel Foundation of Quito. "At times they don't give them enough to eat. The health of such children declines, they lose all their self esteem, and finally many of them see suicide as the only way out of their problems."

The local government of Cuenca is now developing social programs to help their children. Up to now, it has offered them music and dance classes. None of the children participating in these programs have tried to commit suicide.

The public schools of Cuenca encourage their students to express their feelings about their parents' emigration by writing essays and producing art works that express their emotional problems.

Other social programs are being developed, said Claudia Romero. But the problems are very challenging, the economic resources for solving them are insufficient, and it will be very difficult to improve this sad situation, which naturally is increasing generalized problems of depression in her country.

No comments: