Thursday, January 15, 2009

Le contamination del atmosphera


(Languages of this post: Interlingua, English)

Le atmosphera del terra es un parte importantissime de nostre systema ecologic. Illo immagazina duo gases essential pro le vita terrestre, le dioxido de carbon e le oxygeno. Le animales de nostre planeta converte le oxygeno a in dioxido de carbon, e le plantas usa le dioxido de carbon pro producer oxygeno in un cyclo reciprocal e continue, cuje stabilitate es essential pro le sanitate de omne le formas de vita terrestre.

Iste equilibrio nunc es menaciate per le pollution producite per activitates damnose del augmentante population mundial human, le quales se expande a un taxa alarmante.

Le incremento de certe gases e le diminution de alteres menacia le equilibrio ecologic de nostre atmosphera. Alicun gases, como le monoxido de carbon, in concentrationes sufficiente, es un periculo pro le sanitate human. Altere gases es innocue pro nostre population ma damnifica nostre ambiente.

Certe fontes natural pote augmentar le contamination de nostre atmosphera. Nostre vulcanos, pro exemplo, produce le dioxido de sulfure, un agente contaminante producite anque per nostre centrales thermic pro generar le electricitate.

Ma le eruptiones vulcanic non es frequente e occurre in regiones pauco numerose de nostre planeta. Nos genera electricitate tamen in centrales thermic in multe partes del mundo. E comparate a nostre vulcanos, illos emitte un periculose quantitate de dioxido de sulfure, que se augmenta con le construction de nove centrales thermic pro servir le necessitates del population mundial.

Le secunde causa del contamination atmospheric es le substantias create de un maniera artificial que se libera in nostre aer. Iste particulos e gases pote esser multo damnificante proque le natura non ha medios pro eliminar los facilemente.

Nostre processos industrial, pro exemplo, combure multe hydrocarbones in le forma de petroleo o carbon. Le dioxido de carbon producite per iste combustion es innocue pro nos e le altere animales del terra, ma in nostre atmosphera illo retene le calor. Cata anno in omne le mundo on combure milles de milliones de tonnas de combustibiles fossile, e le dioxido de carbon liberate per iste processo poterea causar un cambio climatic a scala mundial.

Quando on combure combustibiles fossile, on anque libera al atmosphera altere gases contaminante, como le dioxido de sulfure e le oxidos de nitrogeno. Le pluvia acide se forma ex iste gases, e plus que 35% (trenta cinque pro cento) de illos es productos del combustion de hydrocarbones.

Le fusion de metales in processos industrial anque libera metales pesante al atmosphera. Iste processos pote producer plumbo, cadmio, e nickel, tres metales nocive al sanitate human. Le plumbo damnifica le systema nerviose e causa deficientias psychic in nostre infantes. Nostre automobiles que combure gasolina con plumbo anque libera al atmosphera particulas de iste metal. Felicemente, multe paises ha eliminate le uso de iste forma de gasolina nocive.

Nebulos toxic:

Nebulos toxic se trova in multe urbes, de Bombay, India, usque Benxi, China, un urbe exceptionalmente contaminate que a vices non appare in le photographias de nostre satellites proque sovente illo es coperite per un spisse nube immunde.

Nebulos toxic se forma ex un mixtura de contaminantes como oxidos de nitrogeno e de sulfure, le monoxido de carbon, e altere gases liberate per fabricas urban, automobiles, e centrales thermic.

Alicunes de iste gases pote producer irritation in le oculos, maladias pulmonar, e etiam diverse tipos de cancere. Iste gases anque pote combinar se pro producer nove formas periculose de contamination.

Il ha duo classes de nebulas toxic: Le prime se produce per le combination de residuos domestic de estufas e furnos cuje fumo se combina con le contamination industrial. Le altere classe es le nebula toxic photochimic, producite principalmente per le gases liberate per nostre automobiles. Ventos atmospheric anque pote portar le nebulas toxic de nostre urbes a areas rural e sylvestre, damnificante recoltas, arbores, e animales domestic e feral.

---

Atmospheric Contamination

The atmosphere of the earth is a very important part of our ecological system. It stores two gases essential for life on earth, carbon dioxide and oxygen. The animals of our planet convert oxygen to carbon dioxide, and plants use carbon dioxide to produce oxygen in a reciprocal and continuing cycle whose stability is essential for the health of all forms of terrestrial life.

This equilibrium is now being menaced by the pollution produced by harmful activities of our growing world population, which are expanding at an alarming rate.

The increase of certain gases and the decrease in others threatens the ecological balance of our atmosphere. Some gases, like carbon monoxide, in large enough concentrations, are a danger to human health. Other gases are harmless to our population but damaging to our environment.

Certain natural sources can increase contamination in our atmosphere. Our volcanos, for example, produce sulphur dioxide, a contaminating agent produced also by our thermal electric generation plants.

But volcanic eruptions are not frequent and occur in a small number of regions of our planet. We generate electricity, however, in thermal stations in many parts of the world. And compared with our volcanos, they emit a dangerous quantity of sulphur dioxide, which increases with the construction of new stations to serve the needs of our growing population of people in the world.

The second cause of atmospheric contamination are the substances artificially created that are vented into our air. These particles and gases can be very damaging because nature does not have ways of eliminating them easily.

Our industrial processes, for example, burn many hydrocarbons in the form of petroleum or coal. The carbon dioxide produced by this combustion is innocuous for us and the other animals of the world, but in our atmosphere it retains heat. Each year in the entire world billions of tons of fossil fuel are burned, and the carbon dioxide produced by this process could cause (a) world-wide climate change.

When fossil fuels are burned, other contaminating gases are also released into the atmosphere, such as sulphur dioxide and nitrogen dioxide. Acid rain is formed from these gases, and more than 35% (thirty-five percent) of them are produced by burning hydrocarbons.

Melting metals in industrial processes also releases heavy metals into the atmosphere. These processes can produce lead, cadmium, and nickel, three metals that are harmful to human health. Lead damages the nervous system and causes mental deficiencies in our children. Our automobiles that burn leaded gasoline also free particles of this metal into the atmosphere. Fortunately, many countries have eliminated the use of this harmful form of gasoline.

Toxic Clouds:

Toxic clouds are found in many cities, from Bombay, India, to Benxi, China, an exceptionally contaminated city that at times does not appear in our satellite photos because it is often covered by a thick dirty cloud.

Toxic clouds are formed from a mixture of contaminants, such as oxides of nitrogen and sulphur, carbon monoxide, and other gases vented into the atmosphere by urban factories, automobiles, and thermal electric generation stations.

Some of these gases can produce eye irritation, lung diseases, and even different types of cancer. These gases also can combine to produce new and dangerous forms of contamination.

There are two kinds of toxic clouds: The first is produced by the combination of the domestic waste from stoves and heaters whose smoke combines with industrial contamination. The other kind is photochemical smog, produced principally by gases vented by our automobiles. Atmospheric winds also can carry toxic clouds from our cities to rural and wooded areas, damaging crops, trees, and domestic and wild animals.

No comments: