Wednesday, January 21, 2009

Forrest F. Cleveland e "Spectroscopia Molecular"


(Languages of this post: Interlingua, English)


Un magazin scientific scribite totalmente in interlingua esseva pro multes solmente un sonio. Ma pro le Dr. Forrest F. Cleveland, professor de physica al Instituo de Technologia de Illinois, un tal sonio deveniva "Spectroscopia Molecular", cuje prime numero appareva le 1 de maio 1952 (le prime die de maio, mille nove centos cinquanta e duo).

Pro un periodo de 27 (vinti septe) annos, Cleveland publicava in su magazin informationes e novas de interesse pro spectroscopos (spectroscopistas) in omne le mundo--information non disponibile in altere publicationes del qual illes omnes habeva besonio.

Le idea veniva a Cleveland quando un de su studentes, Fred L. Voelz, monstrava a ille in februario, 1952, un magazin scientific con un specimen de texto in interlingua.

"Impressionate per le facilitate per le qual illo poteva esser legite e per le senso rational per le qual illo habeva essite producite," scribeva ille in "Spanning Language Barriers" in le magazin "Research/Development", "io decideva a comenciar le publication in iste lingua de un parve periodico mensual que esserea de interesse e valor pro recercatores in mi proprie dominio special."

Le prime edition appareva cinque septimanas ante le annual Symposio de Spectroscopia Molecular al University of Ohio. Quando Cleveland presentava su nove publication al symposio, ille non sapeva como su collegas lo reciperea. In vice de provocar le derision, su publication esseva recipite con multe enthusiasmo per su lectores.

Illes monstrava grande interesse in le nove publication, e multes qui assisteva al symposio deveniva abonatos. Fabricantes de instrumentos scientific insereva annuncios in "Spectroscopia Molecular", providente ressources economic que meliorava le apparentia graphic del magazin e assecurante le continuation de su publication.

"Spectroscopia Molecular" anque publicava novas, summarios de litteratura, reportos de incontros inter spectroscopos, recensiones de publicationes, calendarios de eventos de interesse special pro spectroscopos, informationes sur nove instrmentos, e novas de spectroscopos individual.

In 1961 le lista de abonatos includeva un numero de spectroscopos, bibliothecas universitari, laboratorios, bibliothecas de recercas governental, firmas de instrumentos, laureatos de premios Nobel, le Bibliotheca del Congresso american, e multe simile organisationes in altere paises, includente China, Russia, Danmark, Yugoslavia, Argentina, Australia, Libano, e Venezuela.

Cleveland se meraviliava del reception de "Spectroscopia Molecular". "Le experientia con iste parve periodico provide un demonstration persuadente pro le utilitate de interlingua in le intercommunication. Illo ha essite appoiate completemente per abonamentos e annuncios. Pauches, si mesmo ulles, del lectores ha dedicate tempore al studio del lingua. De facto, io dubita si multes de illes ha comprate le dictionario e le grammatica."

Su lectores esseva capace de comprender 80% (octanta pro cento) del contento de cata texto a prime vista. E le contexto del articulos rapidemente addeva a lor comprension durante que illes los legeva. Un scientista occupate, addeva Cleveland, probabilemente nunquam trovarea le tempore pro studiar un nove lingua. Ma solmente le contacto con le textos provideva un efficace maniera de apprender le lingua inductivemente.

Plus que un million de parolas in interlingua se publicava in le 1.650 (mille sex centos cinquanta) paginas de "Spectroscopia Molecular". In Augusto, 1977 (mille nove centos septanta e septe) le Interlingua Institute exprimeva in un resolution "e gratitude e felicitationes al professor Forrest F. Cleveland, qui ha completate vinti-cinque annos de publication ininterrumpite de ‘Spectroscopia Molecular’".

Le Dr. Forrest Fenton Cleveland moriva in 1985.

---

Forrest F. Cleveland and "Spectroscopia Molecular"

A scientific periodical written completely in Interlingua was no more than a dream for many people. But for Dr. Forrest F. Cleveland, a professor of physics at the Illinois Institute of Technology, such a dream became "Spectroscopia Molecular," whose first issue appeared on May 1, 1952 (May the first, nineteen fifty-two).

For a period of twenty-seven years, Cleveland published in his magazine information and news of interest for spectroscopists everywhere in the world--information they needed that was not available in other publications.

The idea came to Cleveland when one of his students, Fred L. Voelz, showed him in February, 1952, a scientific magazine with a brief text in Interlingua.

"Impressed with how easily it could be read and by the rational way it had been produced," he wrote in "Spanning Language Barriers" in the periodical "Research/Development," "I decided to start publishing in this language a small monthly periodical that would be of value and interest for researchers in my own special field."

The first issue appeared five weeks before the annual "Symposium on Molecular Spectroscopy" at the University of Ohio. When Cleveland presented his new publication to the symposium, he did not know how his colleagues would receive it. Instead of provoking laughter, his publication was received by its readers with great enthusiasm.

They showed a lot of interest in the new publication, and many who attended the symposium became subscribers. Manufacturers of scientific instruments placed ads in "Spectroscopia Molecular," providing funds that improved the graphic appearance of the magazine and assuring that it would continue to be published.

"Spectroscopia Molecular" also published news, literature summaries, reports of meetings of spectroscopists, reviews of publications, calendars of events of interest to spectroscopists, information on new instruments, and news about individual spectroscopists.

In 1961 the list of subscribers included a number of spectroscopists, university libraries, laboratories, government research libraries, Nobel laureates, the American Library of Congress, and many similar organizations in other countries, including China, Russia, Denmark, Yugoslavia, Argentina, Australia, Lebanon, and Venezuela.

Cleveland marveled at the reception of "Spectroscopia Molecular." "Experience with this small publication provides a persuasive demonstration of the usefulness of Interlingua in intercommunication. It has been completely supported by subscriptions and ads. Few, if indeed any, of its readers have given time to the study of the language. In fact, I doubt that many of them have bought the dictionary and the grammar."

His readers were able to understand 80% (eighty percent) of the content of each text at first glance. And the context of the articles rapidly added to their understanding as they read them. A busy scientist, Cleveland added, probably would never find the time to study a new language. But contact with the texts alone provided an efficient way of learning the language inductively.

More than a million words in Interlingua were published in the 1,650 (one thousand six hundred fifty) pages of "Sepctroscopia Molecular." In August, 1977 (nineteen seventy-seven) the Interlingua Institute expressed in a resolution "both gratitude and congratulations to Professor Forrest F. Cleveland, who for twenty-five years has published ‘Spectroscopia Molecular’ without interruption.”

Dr. Forrest Fenton Cleveland died in 1985.

No comments: