Wednesday, January 14, 2009

Breve historia del Brasil, Parte 8


(Languages of this post: Interlingua, English)

Le republica usque le prime guerra mundial:

Durante le dece-quatro menses post le abdication de Pedro II, Brasil esseva governate per un autocratia militar in le qual le mareschal Deodora da Fonseca exercitava poteres quasi absolute.

In iste periodo emergeva le matrimonio civil e un stato laic e federal, e on convocava un assemblea pro rediger un constitution, le qual esseva promulgate in februario, 1891. Illo esseva multo simile al constitution del Statos Unite con le separation de brancas legislative, executive, e judicial con un garantia de derectos civic e un separation legal inter le religion e le stato.

Postea, Fonseca dissolveva le congresso e se proclamava dictator, ma le opposition popular contra su ambitiones politic le obligava a dimitter se in favor del vicepresidente, le marechal Ploriano Peixoto, qui anque habeva ambitiones dictatorial. Finalmente, le sector militar fomentava un colpo de stato in 1893 e governava le pais durante plus que un anno.

Inter 1894 e 1930 il habeva un serie de governamentos civil republican stabile. Ben que in altere paises latinoamerican il habeva colpos de stato assatis frequente installante un serie de dictatores, sovente militar, le governamentos del Brasil se cambiava secundo normas constitutional stricte.

Le prosperitate economic del pais, basate in le exportation del café, attraheva un crescente numero de immigrantes europee. Le plantationes de café le plus grande esseva in le area de São Paulo. Assi, multe presidentes brasilian veniva de iste region.

Le prime de iste presidentes esseva Prudente de Morais, un homine de leges de São Paulo, qui debeva confrontar un rebellion in Baía. Post ille veniva Manuel Ferras de Campos Sales, qui governava inter 1898 e 1902. Ille poteva reparar le economia e le financias del pais, devenite multo debile desde le fin del monarchia.

Inter 1902 e 1906 governava Francisco de Paula Rodrigues Alves, considerate le plus capace del presidentes civil brasilian. Ille introduceva al governamento unes reformas substantial e dedicava considerabile attention al obras public e al lucta contra maladias que affligeva le litores del pais.

In 1906, sub le presidentia de Alfonso Pena, le governamento brasilian adoptava un systema de subsidios pro appoiar le productores de café, affligite per crises de surproduction que resultava in caditas del precio del cafe in le mercato international.

Le administration de Hermes da Fonseca (1910-1914) comenciava un periodo de decadentia in iste periodo de governamentos civil.

---

The Republic up to the First World War:

During the fourteen months after Pedro II's abdication, Brazil was governed by a military dictatorship in which Marshal Deodora da Fonseca exercised almost absolute power.

This period saw the emergence of civil marriage and a secular and federal state, and an assembly was convoked to draft a constitution, which was promulgated in February, 1891. It was very similar to the United States constitution with separate legislative, executive, and judicial branches and guarantees of civil rights and a legal separation between religion and the state.

Afterward, Fonseca dissolved the congress and assumed dictatorial powers, but popular opposition against his political ambitions forced him to resign in favor of Marshal Ploriano Peixoto, who also had dictatorial ambitions. Finally, the military sector mounted a coup d'etat in 1893 and governed the country for more than a year.

The years between 1894 and 1930 saw a series of stable civilian republican governments. Though other Latin American countries suffered rather frequent coups d'état often followed by a series of often military dictators, the Brazilian governments were changed according to strict constitutional procedures.

The economic prosperity of the country, based on exporting coffee, attracted a growing number of European immigrants. The largest coffee plantations were in the São Paulo area, so many Brazilian presidents came from this region.

The first of these presidents was Prudente de Morais, a lawyer from São Paulo, who had to confront a rebellion in Baía. After him came Manual Ferras de Campos Sales, who governed between 1898 and 1902. He was able to repair the economy and the finances of the country, considerably weakened since the end of the monarchy.

Between 1902 and 1906 Brazil was governed by Francisco de Paula Rodrigues Alves, considered the most capable of the civilian presidents of Brazil. He introduced to the government some substantial reforms and dedicated considerable attention to public works and to the illnesses afflicting shoreline areas of the country.

In 1806, under the presidency of Alfonoso Pena, the Brazilian government adopted a system of subsidies to support coffee producers, who were chronically afflicted with crises of overproduction causing the fall of coffee prices in the international market.

The administration of Hermes da Fonseca (1910-1914) saw the beginning of a period of decadence in this period of civilian government.

No comments: