Wednesday, January 14, 2009

Breve historia del Brasil, Parte 14


(Languages of this post: Interlingua, English)


Le administrationes presidential de Geisel e Sarney:

In 1974 le general Ernesto Geisel occupava le presidentia. Durante le decime anniversario del nove regime, ille comenciava le "apertura lente e gradual", un timide liberalisation del governamento. In novembre, 1974, le Movimento Democratic Brasilian obteneva importante triumphos in electiones legislative. Ma gratias a mensuras anterior per le executivo federal, illo non poteva assumer controlo del congresso.

João Baptista de Oliveira Figueiredo esseva elegite presidente in 1978 Le anno proxime, le congresso brasilian promulgava un amnestia que restaurava le derectos politic supprimite in 1964, marcante importante progresso in le democratisation del Brasil.

Le prisioneros politic esseva liberate, e le exiliatos retornava al pais. In le electiones de 1982 prominente membros del opposition esseva elegite governatores in dece statos, inter illos São Paulo, Rio de Janeiro, e Minas Gerais. Le recession economic que comenciava in 1980 continuava su deterioration usque 1983 e appareva arrivar a su nadir in 1984.

Le reformas politic initiate durante le mandato del general Figueiredo culminava in le electiones de 1985, quando esseva elegite Tancredo de Almeida Neves, appoiate per le principal gruppo de opposition. Gravemente malade, ille moriva ante su installation in le presidentia, e le vicepresidente elegite, José Sarney, deveniva le presidente del Brasil.

Sarney essayava combatter le inflation con un programma nominate le Plan Cruzado (per le nomine de un nove unitate monetari que ille introduceva), ma post un successo temporanee, le problema retornava. Sarney anque habeva disputas frequente con le assemblea convocate pro preparar un nove constitution.

---

The presidential administrations of Geisel and Sarney:

In 1974 General Ernesto Geisel occupied the presidency. During the tenth anniversary of the new regime, he started the "slow and gradual opening," a timid liberalization of the government. In november, 1974, the Movimento Democrático Brasileiro (Brazilian Democratic Movement) secured important victories in legislative elections. But thanks to former measures by the federal executive, it could not gain control of the congress.

João Baptista de Oliverira Figueiredo was elected president in 1978. Next year the Brazilian congress promulgated an amnesty that restored the political rights suppressed in 1964, marking important progress in the democratization of Brazil.

Political prisoners were freed, and those forced into exile returned to the country. In the elections of 1982 prominent members of the opposition were elected governors in ten states, among them São Paulo, Rio de Janeiro, and Minas Gerais. The economic recession that started in 1980 continued to get worse up to 1983 and appeared to reach its lowest point in 1984.

Political reforms initiated during the mandate of General Figueiredo culminated in the elections of 1985, which put into the presidency Tancredo de Almeida Neves, supported by the principal opposition group. Gravely ill, he died before his inauguration, and the elected vice president, José Sarney, assumed the presidency of Brazil.

Sarney tried to fight inflation with a program called the "Cruzado plan" (named after a new monetary unit that he introduced), but after a temporary success, the problem returned. Sarney also had frequent disputes with the assembly called into session to prepare a new constitution.

No comments: