Wednesday, January 14, 2009

Breve historia del Brasil, Parte 11


(Languages of this post: Interlingua, English)


Le era de Kubitscheck:

Post un periodo de instabilitate le populo brasilian eligeva a su presidentia Juscelino Kubitscheck, antea le governator del stato de Minas Gerais, considerate per multe brasilianos le successor natural de Vargas.

Como Vargas, ille fomentava sentimentos de nationalismo brasilian. Como Vargas, ille anque faceva multo pro le sectores del economia del pais minus attractive al capital private. Ille inaugurava ambitiose programmas de construction de autos e de projectos hydroelectric. Ille incrementava le production de ferro, aciero, petroleo, e carbon. E ille anque inaugurava programmas pro adjuvar le sector private.

Su programma le plus ambitiose esseva le construction de un nove capital pro le pais, Brasilia, in le interior del Brasil. Pro multe brasilianos, iste nove capital esseva un symbolo de un futuro grande national.

Omne iste programmas anque habeva duo consequentias negative: le inflation elevate e le accumulation de un considerabile indebitamento exterior. Ma le salarios del travaliatores e le classe medie basse non se altiava con le taxa de inflation. Un grande parte del population urban continuava su vita in le miseria, e grande partes del terra brasilian remaneva in pauc manos. E le corruption inter amplie sectores de su administration se augmentava a un proportion tan grande que le cynismo deveniva multo commun in le electorato del pais.

Quadros:

Con le appoio del Union Democratic National, le plus potente del partitos conservator del Brasil, Jânio Quadros ganiava le presidentia in 1960. Ille habeva promettite le controlo del inflation, un disvellopamento economic efficace, le independentia in su politica exterior, e un scrupulose honestitate in omne partes de su administration.

In despecto del expectation popular que ille habeva excitate, su comporatmento autocratic e arbitrari provocava le opposition de amplie sectores inter le population brasilian e reduceva le possibilitates que ille habeva de effectuar su reformas economic. Su politica exterior moveva su administration verso le neutralitate e poneva un certe distantia inter le Brasil e le Statos Unite.

---

The Kubitscheck Era:

After a period of instability, the Brazilian people elected to their presidency Juscelino Kubitscheck, formerly the governer of the state of Minas Gerais, considred by many Brazilians to be the natural successor of Vargas.

Like Vargas, he encouraged nationalistic sentiments among the Brazilians. Like Vargas, he also did a lot for the economic sectors of the country that were less attractive to private capital. He inaugurated ambitious auto-production programs and hydroelectric projects. He increased the production of iron, steel, petroleum, and coal. And he also inaugurated programs to aid the private sector.

His most ambitious program was constructing a new capital for the country, Brasilia, in the interior of Brazil. For many Brazilians, this new capital was a symbol of future national greatness.

All these programs also gave rise to two bad consequences: high inflation and the accumulation of a rather large foreign debt. But the salaries of the workers and the lower middle class did not keep pace with the rate of inflation. A large part of the urban population continued living in poverty, and large tracts of Brazilian land remained in few hands. And corruption among various sectors of his administration increased so greatly that cynicism became very common among the country's electorate.

Quadros:

With the support of the National Democratic Union, the strongest of the conservative parties of Brazil, Jânio Quadros was elected to the presidency in 1960. He had promised the control of inflation, an efficient course of economic development, independence in his foreign policy, and a scrupulous honesty in all parts of his administration.

Despite the popular expectation that he had aroused, his autocratic and arbitrary behavior provoked opposition in the Brazilian populace and reduced the possibilities that he had of implementing his economic reforms. His foreign policy moved his administration toward neutrality and put a certain distance between Brazil and the United States.

No comments: